• Главная
  • Артисты
  • Люди театра
  • История
  • Билеты
  • Пресса
  • Гостевая книга
  • Контакты
  • Министерство культуры, национальной политики и архивного дела Республики Мордовия
    Касса театра: 38-07-03
    Администраторы: 47-25-33
    Репертуар Афиша ПРОЕКТЫ Наши достижения НАЦИОНАЛЬНЫЙ ПРОЕКТ "КУЛЬТУРА"" Оценка качества условий оказания услуг Документы Программа для туристов

    Нацтеатрась пекстызе сезононзо

    Маень 16-це чистэ Эрзянь ды мокшонь национальной драмань театрасо пекставсь 84-це сезонось. 2018-2019 иень театрань сезонось сюпаволь. Путозельть зярыя спектаклят: А.Григорьевень «Велень ризнэмат», М.Камолеттинь «Играем в дружную семью, или Гарнир по-французски», В.Мишанинань «Апак лемде эрзянть тейтерезэ» ды «Курмай». Ульнесть ламо гастрольть ды театрань фестивальсэ-пелькстамосо ёрокчинь невтемат. 

    Эрьва ие Национальной театрась арси мезеяк од, мельстуиця ды кецявтыця. Вана сезононть пекстамонтеньгак театрась арсесь сюпав ды мельстуиця программа. Ушосо, театранть икеле, пурназель ярмунка. Тесэ эсь теевксэст невтнесть-микшнесть Тавлань чувтосто керсицятне, кедьчелькев ломантне таргизь эсест эрьва кодамо важодевксэст. Весень каванясть пачалкседе ды чайде. «Жива» ансамблясь тердинзе киштеме инжетнень вейсэнь кирьксэс (хороводс). Апак учонь казнесь – Йовлань Олонь лемсэ «Торама» фольклорной ансамблянть морамось. Мекс апак учонь? Цёратне морасть театранть лато прясо! Вестькак истямо тамашань тев арасель. Фонтанонть перька пикске вельде ветнесть театрань овтыне. Эйкакшонь зяро пейдемат гайгсть! Овтынесь вечкенесь эйдетнень ды налксесь мартост. Неень шкань эйкакштнень мейсэяк а манясыть, сынь сеске мерсть: те, келя, ломань, кона оршась овтонь костюм. 



    Седе тов весе тердевсть театрав. Тосо невтезель М.Горькиень ёвтнеманзо коряс «Апак лемде эрзянть тейтерезэ» спектаклясь. Сонзэ путызь Борис Манджиев ды Сергей Бурлаченко режиссёртнэ. Премьерась ульнесь февральстэ. Теде мейле невтезель аволь весть ды свал пурнавкшность ламо ваныцят. 

    Спектаклянть невтемадо мейле инжетненень пшкадсь театрань прявтось Светлана Дорогайкина. Сон ёвтась сюкпрянь валт артисттнэнь, весе ваныцятнень туртов, конат вечксызь Национальной театранть ды сеедьстэ сакшныть ваномо. Благодарностьсэ казевсть СМИ-нь важодицятне, конатне пачтить театрадонть. 

    Иень перть театрась ютавтсь «Сехте вадря артист» пелькстамо. Спектаклянть ваномадо мейле эрьвантень меревсь кочкамс сехте вадря актёронть. Театранть фойесэ ладязель паргине, ков каявсь мельстуезь актёронть лемезэ. Мейле яволявтовсть итогтне. Изницякс лиссь Дмитрий Мишечкин! Сонзэ туртов гайгезевсть виев цяпамот. 

    Театрасто лисемстэ ваныцятнень таго учось казне – артисттнэ морасть тенек моро! Мейле теезель вейсэнь фото ды – фейерверк. 

    Татьяна МАТОРКИНА 
    Фототне Олег Романовонь

       

    22.05.2019 / Количество просмотров: 46